Ibyo bituma abantu babiri gusa mu bantu 181 bari muri iyo ndege ari bo bataramenyekana.

Umubare w'abarokotse ukomeje kuba babiri, umwe w'igitsinagabo undi w'igitsina gore nk'uko bitangazwa n'inzego zishinzwe ubutabazi. Izo mpapuro zombi zavanywe mu gice cy'inyuma cy'indege.

Abakozi barenga 1,570 bo mu gisirikare, polisi na leta boherejwe i Muan mu ntara ya Jeolla yo muri Koreya y'Epfo kugira ngo batange ubufasha mu bikorwa byo kugarura ubuzima bw'abaturage, nk'uko byatangajwe n'umuyobozi wo muri minisiteri y'ubwikorezi muri icyo gihugu.

Uwo muyobozi  yongeyeho ko minisiteri igiye kubaza abakozi bashinzwe kugenzura urujya n'urujya rw'indege kuri icyo kibuga kugira ngo bakusanye amakuru y'inyongera, barebe niba mu byuma bakoresha nta kibazo cyaba kirimo kibabuza gukora akazi kabo neza.

Uwo muyobozi yongeyeho ko amakuru y'itumanaho hagati ya cockpit n'umunara wo kugenzura indege na yo azasuzumwa.

Iyi mpanuka yabaye hashize hafi iminota ibiri gusa abari batwaye iyo ndege bahamagaye abashinzwe kugenzura indege zigwa kuri icyo kibuga basaba guhagarara  mu cyerekezo kitari icyabo.

Abasirikare ba Koreya y'Epfo hafi y'aho iyo mpanuka yabereye.

Abakozi b'ubutabazi barimo gukora mu bisigisigi by'indege ya Jeju Air 7C 2216, yaguye ku kibuga cy'indege mpuzamahanga cya Muan muri Koreya y'Epfo.

Abahanga babwiye CNN dukesha iyi nkuru ko ibyuma byo munsi y'indege, by'umwihariko amagurudumu yakoreshejwe mu gutwara indege no kugwa, byasaga n'ibitarasohoka neza mbere y'uko igwa. Ariko impamvu yatumye iyo porogaramu idakora nayo iracyari amayobera.

Abasirikare bo muri Koreya y'Epfo bari hafi y'ibisigazwa by'iyo ndege

Abakozi bakora mu bikorwa byo gutabara.

Intebe y'indege yangiritse iri hasi aho indege yaguye

Umwe mu babuze ababo bari mu ndege ku Kibuga Mpuzamahanga cy'Indege cya Muan, mu gihe abantu bari bategereje amakuru y'abo bakundaga nabo bari muri iyo ndege.

Umwe mu bagenzi babiri barokotse iyi mpanuka ajyanwa mu bitaro i Mokpo, muri Koreya y'Epfo

Imashini yakoreshwaga mu kuzamura intebe z'indege zari zahiriye muri iyo mpanuka.

Dukurikire ku mbuga nkoranyambaga zose dukoresha Facebook, Instagram, X (yahoze yitwa Twitter) ndetse na TikTok