Mu 2023 Urubuga rw’Abanyamerika rushyirwaho amakuru y’ubushakashatsi ku buzima, Healthline, rwatangaje ko buri munsi abaturage miliyoni 61 ba Amerika banywa itabi ry’amoko atandukanye, 34% by’ab’igitsinagore barinywa bakibasirwa n’ikibazo cyo gukora imibonano mpuzabitsina ntigende neza.

Uru rubuga kandi rugaragaza ko ab’igitsinagore banywa ibirimo itabi n’ibindi biyobyabwenge birimo Ikinyabutabire bya Necotine, ibyago byabo byo kutagenda neza kw’igikorwa cy’imibonano mpuzabitsina byikuba gatatu ugereranyije n’ab’igitsinagore bagenzi babo batabinywa.

Ni mu gihe kandi n’ab’igitsinagabo banywa itabi n’ibindi birimo Ikinyabutabire cya Necotine, na bo bibasirwa no kubura ubushake bwo gukora imibonano mpuzabitsina ndetse bikagaragazwa ko ari bibi cyane kuri bo kuko udafite ubwo bushake atanashobora kuyikora, n’abagerageje kubugira ugasanga badashamajwe no kuyikora ibi bikaba bishobora gusenyera abubatse muri bo.