Ikipe ya APR FC yabitangaje ibinyujije ku mbuga nkoranyambaga zayo nko kuti Instagram ndetse na X yahoze yitwa Twitter, yatangaje ku mugaragaro ko yasinyishije abakinnyi babiri bakomoka muri Uganda aribo Hakim Kiwanuka ndetse na Denis Omodi. Mu mafoto asa neza cyane bashyize ku mbuga zabo, Chairman wa APR FC Brig. Gen Deo Rusanganwa yari yicaranye n’aba bakinnyi basinya amasezerano.

Hakim Kiwanuka w’imyaka 24 avuye mu ikipe ya SC Villa yo muri Uganda ifite igikombe cya shampiyona cy’umwaka ushize ndetse uyu musore akaba yarabigizemo uruhare cyane cyane ku mukino wanyuma SC Villa yatsinzemo NEC. Kiwanuka yaje muri SC Villa avuye muri Proline Academy izwiho kuzamura impano z’abakiri bato.

Denis Omedi ni rutahizamu w’ikipe y’igihugu ya Uganda Cranes, akaba yanakiniraga ikipe ya Kitara United. Umwaka ushize yabaye uwa kabiri mu bakinnyi batinze ibitego byinshi aho yasoje afite ibitego 14. 

Mu bitego 14 yatsinze umwaka ushize harimo igitego cyiza cyane yatsinze ikipe ya KCCA, icyo gitego kikaba cyari mu bitego byahataniye igihembo cya Puskas Award (igihembo batanga ku muntu watsinze igitego cyiza ku isi). 

Icyo gihembo cyaje kwegukanwa n’igitego cy’umukinnyi wa Manchester United witwa Aleandro Garnacho. 

Rutahizamu Denis Omedi yafashije Uganda mu mikino yo gushaka itike yo kwerekeza mu gikombe cy’afurika cy’ibihugu AFCON 2025 kizabera muri Maroc, aho yatsinzemo ibitego bibiri harimo igitego cyiza cyane yatsinze ikipe y’igihugu ya Afurika y’epfo.