Ku uyu wa Gatandatu ahagana saa kumi n'ebyiri n'iminota mirongo ine n'umunani z'umugoroba, Arsenal yari ifite icyizere gukomeze kwegera Liverpool ku rutonde rwa shampiyona dore ko byasaga nkaho umukino urangira ari 0-0. Gusa abakinnyi ba Arne Slot ntibacitse intege bakomeje guhatana. Ese uyu ni wo munsi w'ingenzi mu rugamba row guhatanira premier league?

Mu gihe isaha yagendaga yegereza ku musozo w’umukino mu burengerazuba bw'umujyi wa London, Liverpool ikiri kunganya 0-0 na Brentford, abafana ba Arsenal bari kwicara mu myanya yabo muri Emirates bumvaga amahirwe ari yose ko Liverpool itakaje umukino.

Darwin Nunez yahinduye umukino mu minota ya nyuma y’inyongera

Ibitego bibiri bya Nunez byatumye Liverpool ibona amanota atatu y’ingenzi kandi bituma amahirwe Arsenal yari ifite yo gutera intambwe iyegera ku rutonde rwa shampiyona ayoyoka. Abafana ba Arsenal babaye ku rushaho ubwo umukino wabo wabahuzaga na Aston Villa waje kurangira bishyuwe ibitego bibiri umukino urangira banganyije 2-2.

Nk'uko bitangazwa naba Bookmakers, ubu abakinnyi ba Slot bafite amahirwe 77 ku ijana yo kwegukana igikombe - ni bwo bushobozi bwo gutsinda ku kigero cyo hejuru kurusha andi makipe yose muri uyu mwaka w'imikino.

Paul Merson wa Sky Sports aragira ati "Natangazwa n'uko Liverpool itazakomeza ngo itware iki gikombe. Kuri jye, byoroshye cyane kurusha uko Arsenal yabikora.”

"Niba ushaka gutwara Premier League, ugomba guhozaho buri munsi, buri cyumweru. Ugomba kuba witeguye guhana na burumwe muzahura.

“Nashyigikiye Arsenal mu myaka ibiri ishize, kandi ntekereza ko muzi ko batagize amahirwe, bahanganye n’imwe mu makipe meza twigeze tubona kugeza ku mukino wa nyuma.”

"Ubu ndabareba kandi ndibaza nti " mbese barayibonye? Iyo ibintu byatangiye kugorana nk'uko bimeze muri iki gihe?"

Arsenal yari ifite umukino mu biganza byayo ,ariko ibitego bibiri bya Youri Tielemans na Ollie Watkins byahise byerekana intege nke za Arsenal mugihe idafite William Saliba mu bwugarizi bwayo.