FC Barcelona ifite ikintu kimwe cy'ibanze hejuru ya byose, nk'uko byamenyekanye kandi bizwi cyane: kwemererwa kwandikisha bakinnyi babo 2 Dani Olmo na Pau Victor, binyuze mu gusaba inama y’urukiko rwa Siporo. Ikipe ubu yibanze kuri ibi kuko niba itabishoboye, hashobora kubaho ibyago bikomeye ku rwego rwa siporo, ubukungu n'ishusho yayo. Ariko, icyarimwe, iyi kipe irimo gukurikirana isoko ry’igura n’igurisha ryo mu mpeshyi kuko ubu iri munsi y'itegeko rya 1: 1, ni ukuvuga ko kuri buri mafaranga yinjije cyangwa ibitse ishobora kuyakoresha mu gusinyisha abakinnyi.

 Iri soko ryo mu mpeshyi biteganyijwe ko rizafunga ku wa Mbere tariki ya 3 Gashyantare saa tanu n'imwe n'iminota 59 z'umugoroba. Kandi ukuri ni uko perezida wa Barça, Joan Laporta, usibye kubona inyandiko za Olmo na Victor, ashaka gusinyisha abakinnyi. Kandi si ikibazo cy'ubushake, ahubwo ni uko nyuma yo kuganira n'abashinzwe sport n'abashinzwe technique, Deco na Hansi Flick , yageze ku mwanzuro ko niba bishoboka, ikipe igomba kongerwa imbaraga mu busatirizi.

Nk'uko MD abivuga, ikintu gikenewe cyane ni ugusinyisha umukinnyi w'imbere kuko ari muri aka gace hari ikibazo gikomeye kandi inyungu ishobora kuba ingirakamaro cyane ku ikipe. Gusa nkuko bimenyerewe isoko ryo muri Mutarama riba rigoye kuko bigoye ko abakinnyi bakomeye b'umupira w'amaguru bakurwa mu makipe yabo nubwo baba batishimye.

By'umwihariko, aho Barca ifite icyuho ni mu gice kitashoboye kongerwamo imbaraga mu mpeshyi yashize kandi byarageragejwe:mu busatirizi ku ruhande rw’ibumoso. Raphinha ashobora gukina muri uwo mwanya ariko akina agaruka hagati cyane, ntabwo aguma ku murongo w'iburyo ngo aheze uruhande. Ariko, mu mikino mike ishize, cyane cyane kuri Atlético de Madrid, byaragaragaye ko Flick ashaka kwagura ikibuga maze ashyiraho Fermín . Uyu munya Huelva yongeye gusubiramo kuri urwo ruhande muri Barbastro Gusa nubwo abikora neza, biragaragara ko atari umukinnyi ukina ku ruhande asatira. Ku bw'ibyo, icyo bashyira imbere ni ukuza k'umukinnyi w'imbere ukina aho kandi ufite ubuhanga ku ruhande rw'ibumoso kandi ufite n'ubushobozi bwo gutsinda ibitego.

Profile y’umukinnyi Barca yifuza yujujwe n'abakinnyi babiri, MD yamaze gutangaza ko bakunzwe cyane muri ruhago: Luis Díaz (Liverpool, imyaka 27) na Rafael Leao (Milan, imyaka 25). Bombi ni abakinnyi b'inararibonye ariko ntabwo bari mu bihe byiza n'amakipe yabo. Díaz afite amasezerano kugeza mu 2027 ariko Liverpool ishaka kuyongera, ikintu umukinnyi yanze kuko abona ko ibyo bamuhaye bidahuye n'uburemere bwe mu ikipe n'ibyo amaze gutanga kuva yagera muri Mutarama 2022. Ubu biragoye kuri bo kumureka kuko Premier League iri mu biganza byabo kandi bayoboye urutonde rwa Champions League, ariko tugomba kureba uko umukinnyi azitwara niba Barça ari ikomeje gukotana imushaka.

Undi mukinnyi utari mu bihe byiza mu ikipe ye ni Rafael Leao. Uyu mukinnyi w'umupira w'amaguru ukomoka mu gihugu cya Portugal, ni umuhanga mu aca mu ruhande rw'ibumoso asatira, afite umubiri mwiza kandi afite imibare myiza kubijyanye n'ibitego. Barça yari yaragerageje kumugura mu mpeshyi y’umwaka ushize ubwo Nico Williams yavugaga ko azaguma muri Athletic kandi iyi kipe yo muri Catalogne yatekerezaga ko bashobora kwifashisha gahunda ya 1-1 kubera amasezerano ya Nike. Amaherezo Jorge Mendes, umuhagarariye ufitanye umubano mwiza n’abayobozi ba Barca, ari gukora ibishoboka byose kugira ngo umukinnyi yerekeze  muriyi kipe mug gihe yaba yujuje ibisabwa mu bukungu. Ariko, umugambi we wo gutera ikirenge mu cy'ikipe 'ikomeye' uracyariho.

Umukinnyi umwe Milan yifuza, Marcus Rashford, ashobora gufungura amarembo kugira ngo Leao asohoke aramutse ageze muri San Siro. Umwongereza, utari mu migambi ya Ruben Amorim, umutoza mushya wa United, nawe hari amakuru amwerekeza muri Barca. Ni umukinnyi mwiza ku ruhande rw'ibumoso nubwo aherutse kunyura mu bihe bibi kandi niyo mpamvu ikipe ye ishaka kumwirukana. Afite amasezerano n'ikipe ya Manchester kugeza mu 2028.