Iyi nkuru yabaye kimomo kuri uyu wa mbere 06 Mutarama ubwo yasesekaraga ku kibuga cy'indege I Kanombe akakirwa na perezida wa Gikundiro, Twagirayezu Thadee ndetse na Mushimire Claude ushinzwe imishinga muriyi kipe.

Ni nyuma yuko byari bimaze iminsi bihwihwiswa ko uyu mukinnyi ukina ku ruhande asatira,  ko yamaze kumvikana niyi kipe yambara umweru n'ubururu  ndetse ko agomba no kuyisinyira. Ibi bikaba bibaye nyuma yuko hari hashize iminsi ikipe ya Sandvikens IF itangaje ko yatandukanye na Lague kubwumvikane ku mpande zombi.

Byiringiro Lague yerekeje muri iyi kipe  mu kwezi kwa Mutarama 2023 aho yari yarayisanze mu cyiciro cya gatatu muri Swiden gusa ubu akaba ayisizi iri mu cyiro cya kabiri. Uyu mukinnyi yatangiye gukina ruhago ahereye mu ikipe ya Vision FC, nyuma yerekeza  mu Ntare FC , mu 2018 azamurwa muri APR FC yitwara neza aribyo byatumye abengukwa na Sandvikens IF. 

Rayon Sport igiye gusinyisha Byiringiro Lague nyuma y'uko ikomeje kwitwara neza muri shampiyona, aho ubu ri ku mwanya wa mbere ku rutonde ikaba irusha mukeba APR FC iri ku mwanya wa kabiri amanota 8 nubwo yo ifite umukino w'ikirarane.