Los Blancos biteguye gutanga miliyoni 20 z'amapawundi kugira ngo batsindire umwe mubakinnyi b'ingenzi ba Liverpool muri uku kwezi.

Kandi ko hatitawe ku itariki, niba Alexander-Arnold yemeye kwerekeza i Madrid, azishyurwa miliyoni 100 z'amapawundi ndetse no kuzamurwa mu mushahara we no guhabwa amafaranga menshi y'agahimbazamusyi.

Ariko, umunyamakuru wa televiziyo Woods atekereza ko gutakaza uyu mukinnyi bitagahangayikishije abakunzi ba Liverpool, kuko hari undi mukinnyi uherutse kuva mu ikipe yabo y'abato akaba yiteguye kumusimbura.

Umunyamakuru wa TNT yagize ati “Ntekereza ko Trent Alexander-Arnold ashobora kwerekeza muri Real Madrid kandi sinamurenganya. Ni muto, afite ubuhanga bwinshi kandi isi yose iri mu biganza bye.” 

Woods arakomeze agira ati “biragoye ko umukinnyi ahakanira Real madrid igihe iri kumushaka.”

Liverpool ishobora gutakaza uyu mukinnyi nyuma y'uko Conor Bradley agaragaye, gusa si amahitamo yayo kuba yamutakaza.

Wood akomeza agira ati “Ntabwo niyumvisha ukuntu iyi kipe yemeye ko abakinnyi bayo batatu b'inkingi za mwamba barinda bagera ku mpera z'amasezerano yabo ntakirakorwa ngo bongererwe andi.”

Uyu mugabo ukomoka muri Ireland y'amajyaruguru w'imyaka 21, yatanze umupira wavuyemo igitego cya mbere cya Alexis Mac Allister mu mukino wa Champions League batsinzemo Real Madrid 2-0 mbere y'uko ahagarikwa n'imvune yo mu nkokora.

Kandi Woods avuga ko kuba Bradley ashobora gusimbura Alexander-Arnold, bizatuma Liverpool ikorana umwete kugira ngo ivugurure amasezerano n'abandi bakinnyi babiri b'ibanze bazaba zasoza amasezerano yabo mu mpeshyi. 

Yagize ati:"Ntekereza ko Mohamed Salah na Virgil van Dijk ari bo bakinnyi b'ibanze mu ikipe. Ni iby'ingenzi cyane kuri Liverpool kuko nibo mutima w'iyi kipe, kandi gutakaza umwe muri bo byahungabanya iyi kipe kurusha gutakaza Trent."