Ku mbuga nkoranyambaga hamaze iminsi itari mikeya  hacicikana amakuru ko Titi Brown yaba yarateye inda Nyambo bivugwa ko bakundana ndetse nabo bakaba  badasiba kubihakana bakavuga ko ari inshuti magara (icyo bahaye inyito ya besto) gusa nta kindi kibyihishe inyuma.

Uku guterwa inda ahanini bihuzwa n’uko Nyambo amaze iminsi asa n’uwabuze cyane ku mbuga nkoranyambaga nk’uko byahoze.Abandi kandi wasangaga babihuza n’uburwayi nyambo yagize ubwo yari yitabiriye ibirori byatangiwemo ibihembo bya ‘Mashariki African Film Festival’, bigatuma asohoka agataha ibirori bitarangiye.

Byabanje kuvugwa ko kuba Nyambo yarasohotse ibirori bitarangiye, byatewe n’uko yari ababajwe nuko nta gihembo yabashije kwegukana,Icyakora we yabishyizeho umucyo avuga ko yari yaje arwaye biba ngombwa ko asohoka agataha bitarangiye kuko yari akomeje kuremba.Nyuma byatangiye kuvugwa ko ubwo yageraga hanze yatangiye kuruka nka kimwe mu bimenyetso by’umugore utwite, ndetse ko hari n’ibindi bimenyetso yagiye agaragaza birimo kugira isereri ubwo yari mu nzu. 

Mu kiganiro yagiranye na ‘Chita Magic’ yanyomoje ayo makuru akomeje gukwirakwizwa, avuga ko ibyo ari ibihuha byavuzwe kuva kera ndetse ko agereranyije igihe byahereye bivugwa yakabaye yarabyaye.Muri iki kiganiro kandi Nyambo yavuze ko atakwifuza ndetse atanarota kubyarana na Titi Brown kandi ari inshuti ye magara (besto).

Ibi rero bikaba bikomeje gitera benshi urujijo hanibazwa niba uwitwa Titi Brown yaba akoreshwa n’igikinisho cya NYAMBO cg se hakaba hari ibindi bibyihishe inyuma kuko umubano wabo uteye inkecye.

TANGA IGITEKEREZO: