Ibitego bibiri Kylian yatsinze Las Palmas, mu gihe uyu munya-Brésil adahari, kuko yahagaritswe kubera ikarita itukura yahawe bakina Valencia, bikaba byongereye ku musaruro mwiza yarafite mu minsi ishize, ubu biri kumushyira ku ruhembe rw’imbere mu bakinnyi b’iyi kipe.

Ibi bi ri gutizwa umurindi n'imyitwarire mibi ya Vinicious Junior ituma ahora mu bihano by’abasifuzi biri muri bimwe bituma gushyigikirwa  n’abakunzi ba Real Madrid bigabanuka bitewe nuburyo yitwara. Kuri ubu, nyuma y'ibyabaye i Valencia ndetse n’umusaruro nkene yagize muri Super cup, byatumye izina rye rijya hasi cyane. Iyi myitwarire mibi iri no mubyatumye atahabwa Balon d'or baherutse gutanga yegukanwe na Rodri ukinira Man City.

Hagati aho ariko, nta kibazo cy'uburyo ubwo ari bwo bwose kiri hagati y'abo bakinnyi bombi. Iyo bari mu kibuga, bumvikana neza kandi bakubahiriza inshingano zabo, kandi iyo batari mu kibuga, nk'uko byagenze kuri iki Cyumweru, babonwa ko bafitanye ubucuti ku mbuga nkoranyambaga. Kandi nk'ikimenyetso, imibare bamaze kugeraho mu gice cy'umwaka w'imikino irabavugira. Aba bombi ni bo bayoboye abatsinze ibitego byinshi mu marushanwa yose, Mbape afite ibitego 18 naho Vinicius afite 15. Ibyo ni ukuvuga ko bari hejuru ya 30 mu kwezi kwa Mutarama.

Neymar yaburiye Vincius nkumuntu uzi Mbappe kandi banakinanye muri PSG

Gusa nta nduru ivugira ubusa ku musozi. Ibi tuzatangira kubibonera mu gihe cy’amajoro akomeye ya UCL ubwo Real Madrid izaba ishaka kwisubiza ishema ryayo, ese bazakomeza kunga ubumwe. Neymar ubwe, ubazi bombi, yavuze mu kiganiro ku byerekeranye n'ubwibone no kwikunda by'Umufaransa igihe yari muri PSG ubwo Leo Messi yahageraga. Kandi n'ubwo ari ukuri ko kuva yagera muri La Castellana yagerageje guhuza n'ikipe, akomeje gukora ibishoboka byose ngo ayibonemo gusa bidatinze hashobora kubaho ‘gukabya.’