Kuwa Gatanu w’icyumweru cyashize nibwo rutahizamu Charles Baale yandikiye ibaruwa ikipe ya Rayon Sport ayisaba ko batandukana kuko nta kazoza ke yabonaga muri iyi kipe.

Nyuma yiyo baruwa, mu gicamunsi cyo kuri uyu wa mbere ikipe ya Rayon Sport ibicishije ku mbuga nkoranyambaga zayo yatangaje ko yatandukanye nawe.

Amakuru avuga ko uyu rutahizamu nyuma yuko agize imvune yisabiye iyi kipe ko batandukana kuko yabonaga ko ntacyo ari kuyifasha. Gusa uretse niyo mvune no kubona umwanya ubanzamo kuri we byagoranaga nyuma yuko Rayon Sport iguriye Fall Ngagne.

Rayon Sport iracyari ku isoko ryo gushaka undi rutahizamu uzajya ahatana na Fall Ngagne, aho bivugwa ko ifuza umukinnyi nawe ukomoka mu gihugu cya Uganda witwa Fahad Aziz Bayo.

Abakinnyi bashya ba APR FC batangiye imyitozo I Shyorongi

Ku itakiki 9 zuku kwezi nibwo ikipe ya APR FC yatangaje ko mugaragaro ko yasinyishije ba rutahhizamu babiri bakomoka mu gihugu cya Uganda, Denis Omedi na Hakim Kiwanuka.

Aba bakinnyi nyuma yo gusinya byavugwaga ko federasiyo y’umupira w’amaguru ya Uganda hamwe n’umutoza w’ikipe yi’igihugu ya Uganda cranes basabye ikipe ya APR FC ko yabemerera aba bakinnyi bombi bagakinira Uganda muri CHAN yagombaga gutangira mu mpera zukwezi kwa mbere.

Nyuma yuko CAF yimuriye CHAN mu kwa munani aba bakinnyi bahise bagaruka mu Rwanda igitaraganya kugira ngo bakomezezanye nabandi imyitozo. Uyu munsi nibwo aba bakinnyi bagaragaye mu myitozo i shyirongi, amakuru dukesha video yashyizwe ku rubuga rwa instagram rwa APR FC igaragaza aba bakinnyi uko bakiriwe na bagenzi babo mu myitozo.