SKOL yamaze kwandikira ikipe ya Rayon Sport iyimenyesha ko yabaye ifunze ikibuga cy’imyitozo, kubera ibyo itari kwemeranya n’Ubuyobozi bw’iyi kipe ishinja kwica amasezerano NKANA.

Equipe y’Abakobwa nta myitozo yakoze mu gitondo, n’ikipe y’abagabo itegura umukino w’AMAGAJU kuri uyu wa gatatu ntabwo irakorera mu NZOVE, ku kibuga cya SKOL…

Amasezerano RAYON SPORTS ishinjwa kwica ni a y’umufatanyabikorwa MUSHYA w’imikino y’amahirwe, FORZZA BET umaze Iminsi akorana na RAYON SPORTS. 

Kapiteni wa Rayon Sport Muhire Kevin ashobora kudakina umukino w'Amagaju

Kuri uyu wa kabiri taliki 18 Gashyantare Rayon Sports yatsinze Rutsiro FC ibitego 2-0 bisanga ibindi 2-1 byo mu mukino ubanza, iyisezerera mu Gikombe cy’Amahoro ku giteranyo cy’ibitego 4-1 mu mikino yombi.

Ni umukino Gikundiro yatakajemo Kapiteni Muhire Kevin na rutahizamu Fall Ngagne.

Mu kiganiro n’itangazamakuru nyuma y’umukino, Muhire yavuze ko n’ubundi yabwiwe gukina atameze neza. Ibi byatumye ku munota wa 30 asohoka mu kibuga.

Ati “Nagize imvune ku mukino wa Kiyovu. Bambwiye ko ngomba gukina uyu munsi ariko ntabwo nari niteguye.”

Abajijwe niba azi igihe azamara hanze y’ikibuga cyangwa azanaboneka ku mukino w’Amagaju FC uteganyijwe mu mpera z’icyimweru, yavuze ko atabyizeye neza.

Ati “Ntabwo mbyizeye neza 100%. Sindamenya igihe neza, ndabanza guhura n’abaganga gusa ntabwo imikaya (hamstring) itinda kuko ni icyumweru kimwe cyangwa bibiri."

Ntabwo ari Muhire gusa kuko rutahizamu Fall Ngagne nawe yasohotse mu kibuga ku munota wa 68, bigaragara ko yagize imvune nubwo itari ikanganye.