“Ihene yariye mucoma” ni imvugo yakoreshweje n’abafana bakomeye ba APR FC ubwo match ya mukeba yari irangiye bayitsinze 2-1. Iyi mvugo yakoreshweje na Rujugiro mu guserereza abafana ba Rayon Sport abashinyagurira. Ni nyuma yuko abahuriga ba Rayon Sport bari bamaze iminsi bidoga bavuga ko ikipe yabo itazigera itsindwa ndetse bitoroshye ko hari ikipe yo ku butaka bw’u Rwanda yabikora. Gusa byaje kuba ibindi bindi ubwo Mukura Victory Sport yabatsindaga igahagarika umuvuduko wayo, nkuko yabikoze ikipe ya APR FC mu mwaka wa 2022/2023.

Kuri iki cyumweru taliki ya 12 Mutarama icyizere cyari cyose ku ikipe y’ingabo z’igihugu ndetse n’abakunzi bayo ko baraza gutsinda ikipe y’Amagaju , bigatuma bakomeza kugabanya ikinyuranyo cy’amanota hagati yayo na mukeba wari waraye atakaje amanita atatu. Gutsinda umukino kwa APR FC kwari gutuma hasigaramo amanita abiri hagati yayo na Rayon Sport.

Gusa siko byaje kugenda, kuko iyi kipe yari iri kwizihiza imyaka 90 imaze ishinzwe, yaje gutsinda ikipe ya APR FC 1-0.

Umukinnyi ukomoka mu Burundi Edouard Ndayishimiye niwe wabaye intwari y'umunsi kuko igitego cye cyonyine cyo mu gice cya kabiri cy'umukino cyatumye Amagaju FC ibona amanota atatu y'ingenzi nyuma yo gutsinda igitego 1-0 APR FC ku kibuga cya Huye ku cyumweru tariki ya 12 Mutarama.

Iyi nsinzwi yabaye igihombo gikomeye ku ikipe y'ingabo z'u Rwanda kuko yananiwe kugabanya ikinyuranyo hagati yayo nabari ku mwanya wa mbere muri shampiyona y'icyiciro cya mbere. Nyuma yuko Rayon Sport itsikiye itsinzwe na Mukura VS ibitego 2-1 kuri uyu wa Gatandatu, APR FC nayo ntibyayihiriye ubwo yakinaga n’Amagaju FC kuko nayo yaje gutsindwa 1-0.

Nyuma y’umukino abafana ba Rayon Sport nabo bagize bati ihene ntiyariye mucoma gusa ahubwo “ihene yaje kurya na nyir’akabari”, ibi byavuzwe mu rwego rwo gusubiza bafana APR FC bari babishongoyeho ubwo batsindwaga na Mukura VS.

Iyi weekend yabihiye cyane amakipe y’I Kigali n’abakunzi bayo, ndetse urugendo rw’abafana bayo makipe yombi ruva I Butare rwekeza I Kigali rwagereranyijwe n’inzira y’umusaraba kuko bose basubiyeyo amaramasa batsinzwe.

Bitandukanye cyane n’abakunzi b’amakipe yo mu majyepfo, Mukura VS n’Amagaju FC, kuko bo byari ibyishimo bidasanzwe gutsinda amakipe y’ibigugu mu mpera z’igice cya mbere cya shampiyona.

Andi mafoto y'ingenzi yaranze iyi Weekend