Ikintu gikomeye mu irushanwa ry'uyu mwaka ni ubwambere abanyeshuri bafite ibibazo byihariye bitabiriye. Ikigo gishinzwe uburezi bw'abafite ubumuga bwo kutabona kiri i Kibeho cyitabiriye iri rushanwa maze gitwara igihembo cy'umushinga mushya.

Abatsinze amarushanwa y'igihugu ya First Lego League bazahagararira u Rwanda mu marushanwa mpuzamahanga azabera muri Leta Zunze Ubumwe za Amerika, mu gihe abatsinze AI Hackathon bazajya mu Busuwisi.

Mu rwego rwo gushimira ibyagezweho, amakipe yose yatsinze yahawe mudasobwa zigendanwa zo gukomeza gushyigikira uburezi bwabo n'ubushakashatsi.

Porogaramu ya FLL ni gahunda yemewe ku rwego mpuzamahanga ihata abanyeshuri ibibazo byo gushakisha ibibazo byo mu isi, gushakisha ibisubizo, no kubaka no gutegura robot z'uburezi kugirango zikore inshingano zihariye.

AI Hackathon yagenewe amashuri yisumbuye, igamije kumenyekanisha abanyeshuri ku isi y'ubwenge bw'ikoranabuhanga, ikabaha ubuhanga bwo gukemura ibibazo by'isi binyuze mu ikoranabuhanga no kubatera inkunga yo gukora ubushakashatsi mu bijyanye na siyansi, ikoranabuhanga, ubwubatsi n'imibare (STEM).

Minisitiri w'Uburezi, Joseph Nsengimana na we yashimangiye akamaro k'aya marushanwa mu kuzamura uburezi bw'abanyeshuri no guhanga udushya.

Yagize ati: "Intego y'ibanze y'aya marushanwa ni ugufasha abanyeshuri gushyira mu bikorwa ibyo bize. Iyo abanyeshuri bifatanya muri ibyo bikorwa, bakoresha ibikoresho bya LEGO kugira ngo bubake za robo no kwitoza kwandika kode. Ibi ntabwo byongera gusa ubuhanga bwabo bwo kwandika kode ahubwo binabageza ku bwenge bw'ikoranabuhanga mu gihe biga,”

Icyakora, yemeye ko kubona ibikoresho mu mashuri ari ikibazo gikomeye.

Bwana  nsengimana yavuze ko biifuza ko amashuri menshi yitabira, ariko haracyari imbogamizi mu kubona ibikoresho bihagije. Mu bigo by'amashuri iyi gahunda ishyirwa mu bikorwa, abanyeshuri bayifata nk'ikintu gikomeye kandi bakagira ubumenyi bw'ingirakamaro, bukenewe"

Kugira ngo iki kibazo gikemuke, guverinoma irimo gushakisha uburyo bwo gukora ibyo bikoresho mu gihugu. yongeyeho ati ‘’Kongera umubare w'ibikoresho biracyari ingorabahizi, ariko turimo gukora ku buryo byakorerwa mu Rwanda. Ibyo byatuma ibiciro bigabanuka kandi bigatuma amashuri menshi yitabira aya marushanwa, " 

Ellie Mugabire Isheja, umunyeshuri wo muri Groupe Scolaire Officiel de Butare, yagaragaje ibyishimo nyuma y'uko ikipe ye yegukanye irushanwa rya FLL.

Isheja yagize ati: " Umushinga wacu ni imodoka ntoya yo munsi y'amazi idatwarwa n'umuntu, ikusanya kandi igatanga amakuru mu gihe nyacyo ku bijyanye n'imiterere y'amazi. Ifite kamera ifata amashusho n'ibyuma by'imiterere byorohereza ubushakashatsi no kunoza ubushakashatsi bwo munsi y'amazi''

‘’Gutsinda iri rushanwa ni ikintu kidasanzwe twagezeho. Bizadufasha gutera imbere mu murimo wacu no kwagura ubumenyi bwacu. Kurema izi robo bisaba imashini, porogaramu zo kwandika kode, n'ubushakashatsi." Yongeyeho ko mudasobwa zigendanwa bahawe zizabafasha kubona amakuru kuri interineti, kongera ubumenyi bwabo mu by'imashini za robo, no kugira uruhare mu iterambere ry'ikoranabuhanga mu gihugu.

Axel Ganza wo muri Ecole des Sciences Byimana akaba n'umwe mu bagize itsinda ryatsinze AI Hackathon, yasobanuye ku mushinga wabo ugamije gushyigikira abahinzi.

‘’Umushinga wacu wari ugamije gufasha abahinzi bahanganye n'indwara z'ibihingwa binyuze mu kubaha umuti ushyigikiwe na AI. Abahinzi bashobora kohereza ifoto y'igihingwa cyanduye, hanyuma ikoranabuhanga rya AI rigasesengura iyo foto kugira ngo rigaragaze indwara. Ganza yasobanuye ko iyo porogaramu itanga inama z'uburyo bwo kwivuza, amakuru ajyanye n'ikirere ndetse n'ibindi byerekeranye n'ubuhinzi.

Yashimiye leta kuba yarashyizeho iyi gahunda, ibemerera gukoresha AI mu gukemura ibibazo by'isi.